LPBCCI Logo

ສະພາການຄ້າ ແລະ ອຸດສະຫະກໍາ ແຂວງຫຼວງພະບາງ

Luang Prabang Chamber of Commerce and Industry

ກອງປະຊຸມພົບປະແລກປ່ຽນບົດຮຽນລະຫວ່າງ ສະພາການຄ້າ ແລະ ອຸດສາຫະກໍາແຂວງຫຼວງພະບາງ ປະເທດລາວ ແລະ ສະພາການຄ້າ ແຂວງເລີຍ ປະທດໄທ

Date: September 16, 2019

ໃນຕອນບ່າຍຂອງວັນເສົາ ວັນທີ 14 ກັນຍາ(09) 2019 ທີ່ຜ່ານມາ ຢູ່ທີ່ ສະພາການຄ້າ ແລະ ອຸດສາຫະກໍາ ແຂວງຫຼວງພະບາງ ໄດ້ມີການຈັດກອງປະຊຸມພົບປະແລກປ່ຽນບົດຮຽນ ແລະ ປຶກສາຫາລືວຽກງານທາງດ້ານ ການຄ້າ-ການທ່ອງທ່ຽວ ແລະ ການລົງທືນຮ່ວມກັນຂອງນັກທຸລະກິດ 2 ແຂວງ 2 ປະເທດລະຫວ່າງ: ຫຼວງພະບາງ ປະເທດລາວ ແລະ ແຂວງເລີຍ ປະເທດໄທ ເຊີ່ງຝ່າຍລາວນໍາໂດຍ ທ່ານ ບຸນທ່ຽງ ສຸລິວັນ ປະທານສະພາການຄ້າ ແລະ ອຸດສາຫະກໍາແຂວງພ້ອມດ້ວຍຄະນະ ສ່ວນຝ່າຍໄທນໍາໂດຍ ທ່ານ ຊານັດ ຊັດຊະວານວົງ ຮອງເຈົ້າແຂວງ ແຂວງເລີຍພ້ອມດ້ວຍຄະນະ

ໃນກອງປະຊຸມໄດ້ມີການຍົກຫຼາຍໆປະເດັນທີ່ເຄີຍມີການຮ່ວມມືກັນໃນຫຼາຍໆປີທີ່ຜ່ານມາ ແລະ ໄດ້ທົບທວນຄືນການລົງນາມ MoU ຮ່ວມກັນເມື່ອປີ 2016 ພ້ອມດຽວກັນນັ້ນກໍ່ໄດ້ມີການປຶກສາຫາລືການຮ່ວມມືກັນໃນອານາຄົດ ໂດຍ 2 ແຂວງແມ່ນເຫັນດີຈະຊຸກຍູ້ໃຫ້ມີການຮ່ວມມືທາງດ້ານການຄ້າ ການລົງທືນຮ່ວມກັນໃຫ້ຫຼາຍຂື້ນໂດຍຈະເນັ້ນການສົ່ງເສີມການຜະລິດທາງດ້ານກະສິກໍາ ແລະ ການແປຮູບຜະລິດຕະພັນສິນຄ້າຕ່າງໆເພື່ອເປັນການສ້າງມູນຄ່າເພີມ, ເປັນການສົ່ງເສີມການບໍລິໂພກພາຍໃນ ຫຼຸດຜ່ອນການນໍາເຂົ້າ ແລະ ຈະມີການປະຊຸມວາງແຜນເພື່ອພັດທະນາສີມືແຮງງານຮ່ວມກັນ, ກ້າວໄປສູ່ການສົ່ງເສີມການຜະລິດສິນຄ້າເອກະລັກຂອງທ້ອງຖີ່ນ (ODOP), ຈາກນັ້ນ ໃນຕອນເຊົ້າຂອງວັນທີ 16 ກັນຍາ(09) 2019 ທາງຄະນະທີມງານຂອງແຂວງເລີຍກໍ່ໄດ້ເຂົ້າຢ້ຽມຄໍານັບ ແລະ ພົບປະປຶກສາຫາລືກັບທາງການນໍາແຂວງຫຼວງພະບາງ ເຊີ່ງໃຫ້ກຽດຕ້ອນຮັບໂດຍ ທ່ານ ສຸກັນ ບຸນຍົງ ກໍາມະການພັກແຂວງ ຮອງເຈົ້າແຂວງຫຼວງພະບາງ.
ນອກຈາກກິດຈະກໍາທາງດ້ານວິຊາການແລ້ວ ທັງ 2 ແຂວງຍັງໄດ້ມີການລົງຢ້ຽມຢາມ ແລະ ພົບປະຮູ້ຈັກກັບບັນດາຫົວໜ່ວຍທຸລະກິດພາຍໃນແຂວງຫຼວງພະບາງຈໍານວນໜື່ງເພື່ອເປັນການເປີດໂອກາດໃຫ້ມີການພົບປະແລກປ່ຽນ ແລະ ເປັນຄູ່ຮ່ວມທາງດ້ານ ການຄ້າ-ການທ່ອງທ່ຽວ ແລະ ການລົງທືນຮ່ວມກັນ ພ້ອມດຽວກັນນັ້ນກໍ່ຍັງໄດ້ມີການຈັດເຕະບັນນັດມິດຕະພາບລະຫວ່າງ ທີມນັກທຸລະກິດຈາກ ແຂວງຫຼວງພະບາງ ແລະ ແຂວງເລີຍ ເພື່ອເປັນການສ້າງຄວາມສາມັກຮັກແພງ ແລະ ເຮັດໃຫ້ທຸກຄົນໄດ້ໃກ້ສິດກັນຫຼາຍຂື້ນ.