LPBCCI Logo

ສະພາການຄ້າ ແລະ ອຸດສະຫະກໍາ ແຂວງຫຼວງພະບາງ

Luang Prabang Chamber of Commerce and Industry

ກອງ​ປະຊຸມ​ “​ແລວ​ເສດຖະກິດ ຫຼວງ​ພະ​ບາງ ອິນ​​ໂດ​ຈີນ ​ເມາະ​ລໍາ​ໄຍ” ຄັ້ງ​ທີ III (LIMEC III)

Date: July 11, 2017

​       ໃນ​ລະຫວ່າ​ງວັນ​ທີ 26-30 ມິຖຸນາ(06) 2017 ທີ່​ຜ່ານ​ມາ ​ການ​ນໍາ​ແຂວງຫຼວງ​ພະ​ບາງ ຕາງໜ້າ​ໂດຍ​ ທ່ານ ສຸລິສັກ ພົມມາລີ ຫົວໜ້າຫ້ອງວ່າການປົກຄອງແຂວງ ພ້ອມ​ດ້ວຍຄະນະ​ສະພາ​ການ​ຄ້າ ​ແລະ ອຸດສາຫະກໍາ ​ແຂວງ​ຫຼວງ​ພະ​ບາງ ​ໄດ້​ນໍາພາ​ຄະນະ​ຈາກ​ທາງ​ພາກ​ລັດ ​ແລະ ພາກ​ທຸລະກິດ ຈໍານວນ 32 ທ່ານ, ຍິງ 6 ທ່ານ ​ເຂົ້າ​ຮ່ວມ​ກອງ​ປະຊຸມ​ “​ແລວ​ເສດຖະກິດ ຫຼວງ​ພະ​ບາງ ອິນ​​ໂດ​ຈີນ ​ເມາະ​ລໍາ​ໄຍ” ຄັ້ງ​ທີ III (LIMEC III) ທີ່ ​ແຂວງ ​ເພັດ​ສະບູ​ນ ລາ​ຊະ​ອານາຈັກ​ໄທ, ​ໂດຍມີ​ຜູ້​ເຂົ້າ​ຮ່ວມ​ທັງ​ໝົດ 200 ກວ່າທ່ານ ຈາກ 3 ປະ​ເທດ​ເຂົ້າ​ຮ່ວມ ສປປ ລາວ, ລາຊະ​ອານາຈັກ​ໄທ ​ແລະ ສສ ມຽນມາ

         ກອງ​ປະຊຸມ ​ແລວ​ເສດ​ຖະກິດ ຫຼວງ​ພະ​ບາງ ອິນ​ໂດ​ຈີນ ​ເມາະ​ລໍາ​ໄຍ ຫຼື LIMEC ແມ່ນໄດ້ຮັບການຈັດຕັ້ງມາຕັ້ງແຕ່ປີ 2015 ໂດຍແມ່ນການຮ່ວມມືຂອງທັງພາກລັດ ແລະ ເອກະຊົນຂອງ 3 ປະເທດຄື: ລາຊະອານາຈັກໄທ – ສປປ ລາວ – ສາທາລະນະລັດ ສະຫະພາບມຽນມາ ສໍາລັບ ປະເທດໄທປະກອບດ້ວຍກຸ່ມແຂວງພາກເໜືອຕອນລ່າງ1 ຄື: ອຸຕະລະດິດ, ສຸໂຂໄທ, ເພັດສະບູນ,​ ພິດສະນຸໂລກ ແລະ ແຂວງຕາກ, ສປປ ລາວ ປະກອບດ້ວຍ 2 ແຂວງຄື: ຫຼວງພະບາງ ແລະ ໄຊຍະບູລີ, ສ່ວນສາທາລະນະລັດ ສະຫະພາບມຽນມາ ປະກອບດ້ວຍ 2 ລັດຄື: ​ລັດມອນ ແລະ ລັດກະລ່ຽງ.

      ຈຸດປະສົງຫຼັກຂອງກອງປະຊຸມ LIMEC ແມ່ນເພື່ອໃຫ້ເກີດມີການພັດທະນາດ້ານເສດຖະກິດ ວັດທະນະທໍາ-ສັງຄົມ ​ແລະ ການ​ຄ້າ ການ​ລົງທຶນຮ່ວມກັນ ບົນ​ພື້ນຖານ​ຕ່າ​ງຝ່າຍ​ຕ່າງ​ມີ​ຜົນ​ປະ​ໂຫຍ​ດ ​ແລະ ຮ່ວມ​ຊ່ວຍ​ເຫຼືອ​ເກື້ອ​ກຸນກັນ ບໍ່​ແມ່ນ​ການ​ຍາດ​ແຍ່ງ​ແຂ່ງ​ຂັນ​ກັນ. ມີເປົ້າໝາຍ ແລະ ທິດທາງການເຮັດວຽກອັນກໍ່ໃຫ້ເກີດຜົນປະໂຫຍດສູງສຸດຮ່ວມກັນ 4 ປະເດັນຄື:

  1. ແລກປ່ຽນຂໍ້ມູນດ້ານທຸລະກິດການຄ້າ ແລະ ການລົງທຶນຮ່ວມກັນ.
  2. ຈັດກອງປະຊຸມຍ່ອຍລະຫວ່າງພາກເອກະຊົນ ໃນແຕ່ລະປະເທດ ເພື່ອສ້າງສາຍສໍາພັນຮ່ວມກັນ
  3. ປະຊາສໍາພັນການດໍາເນີນໂຄງການ
  4. ຜັກດັນ ແລວເສດຖະກິດນີ້ໃຫ້ເກີດການຍອມຮັບ ແລະ ເກີດໂຄງການຕ່າງໆຮ່ວມກັນໃນອານາຄົດ.

ກອງ​ປະຊຸມ​ໃນ​ຄັ້ງ​ນີ້​ໄດ້​ແບ່ງ​ອອກ​ເປັນ 2 ຫົວ​ຂໍ້​ຫຼັກ​ຄື:

  1. ການທ່ອງທ່ຽວ​ເຊິ່ງນິ​ເວດ
  2. ອຸດສາຫະກໍາ​ການ​ກະ​ເສດ

ໃນກອງປະຊຸມບັນດາປະເທດສະມາຊິກ LIMEC ​ແມ່ນ​ເຫັນ​ດີ​ໃຫ້​ມີ​ການ​ສ້າງ​ແຜນການ​ທ່ອງ​ທ່ຽວ​ຮ່ວມ​ກັນ, ພັກ​ດັນ​ໃຫ້​ເກີດ​ມີ​ການ​ຂົນ​ສົ່ງ​ໂດຍສານ 3 ປະ​ເທດ ​ແລະ ມີ​ການ​​ແລກປ່ຽນ​ທາງ​ດ້ານ​ວິຊາ​ຮ່ວມ​ກັນ​ບໍ່​ວ່າ​ຈະ​ເປັນ​ດ້ານ​ການ​ສຶກສາ, ການ​ແພດ, ການ​ກະ​ເສດ… ນອກ​ນີ້​ກໍ່​ຍັງ​ໄດ້​ມີ​ການ​ສືບ​ຕໍ່​ປຶກສາ​ຫາລືວຽກ​ງານຈາກ 2 ຄັ້ງ​ທີ່​ຜ່ານ​ມາ​ຄື: ການ​ຂົນ​ສົ່ງ​ໂດຍສານ (Logistics),​ ການຄ້າ ການລົງທຶນ, ການສຶກສາ ແລະ ວຽກງານດ້ານສຸຂະພາບ, ​ເພື່ອ​ເປັນ​ການ​ຢັ້ງຢືນ​ເຖິງ​ເຈດ​ຕະນາ​ລົມ​ການ​ຮ່ວມ​ມື​ທາງ​ດ້ານ​ການ​ຄ້າ​ຮ່ວມ​ກັນ​ໃນ​ຕໍ່ໜ້າ ນັກທຸລະກິດ​ຈາກ​ແຂວງ​ຫຼວງ​ພະ​ບາງ ​ໄດ້​ມີ​ການ​ເຊັນ​ບົດ​ບັນທຶກ​ຄວາມ​ເຂົ້າ​ໃຈການ​ຮ່ວມ​ມື (MoU) ​7 ຄູ່​ສັນຍາ​ຮ່ວມ​ກັບ​ນັກທຸລະກິດ​ຂອງ​ໄທ​ໃນ​ດ້ານ: ກະສິກໍາ, ຫັດຖະ​ກໍາ, ຜະລິດ​ຕະພັນ​ອາ ຫານ​ແປ​ຮູບ, ການທ່ອງທ່ຽວທາງ​ດ້ານ​ເຊິ່ງນິ​ເວດ ​ແລະ ສຸຂະພາບ ​ເຊິ່ງຈະ​ມີ​ການ​ສ້າງ​ໃຫ້​​ເກີດເປັນ​ຮູບ​ປະທຳ ​ເພື່ອ​ນໍາ​ເປັນ​ຜົນງານ​ເອກອ້າງ​ໃນ​ກອງ​ປະຊຸມ LIMEC IV ທີ່​ແຂວງ​ພິດ​ສະນຸ​ໂລກ​ໃນ​ປີ 2018 ຕໍ່​ໄປ.